Isaiah 32
Thumaanna Kumpi-gam
1En in, thumaana tawh kumpi khat in uk dinga, agam-ukte in thutangin a uk ding uh hi. b
2 Amaute huih pana kidalna, c
huihpi pana bukna bangin,
sehnel-gam luitui bang le
keugaw gama suangpi liim a bang ding uh hi. d
3 Tua ciangin mite in amaute mitsinsan nawn lo ding uh a, e
amaute gen a zate in a ngai ding uh hi. f
4 Lungtom mite lungsim in thei in tel dinga,
dang-awkte dangnalin a pau sensen ding uh hi.
5 Mihaite, mi nampi kici nawn lo dinga g
micingtak lote nakpi in a kizahtak nawn kei ding hi.
6 Bang hang hiam cih leh mihaite hai pau uh a, h
gitloh ding bek a ngaihsun uh hi.
A pasian-milohna na bek sem a
TOPA tawh kisaite ahi lo lamin a thehzak hi; i
a gilkialte a hawmpi-in nusia a,
a dangtakte tui dawn ding a pia nuam kei hi.
7 Mi cingtak lopa sepzia kheltatna bek hi-a, j
a tasamte in thutanga a ngetna nangawn
khemna tawh a suksiat nadingin
gitloh ding bek a sawm hi.
8 Ahi hangin mi thupi in na thupite mah ngim a,
nasep thupi ah a kip hi. k
Jerusalem Numeite
9 A om hithiat numeite aw,tho unla ka thugen ngai un.
Awlmawh a nei lo tanute aw,
kong gen dingte za un!
10 Kum khat valzek khit ciangin
bangmah a awlmawh lote na ling ding uh hi;
lenggah kila thei lo dinga
an lak hun hong tung kei ding hi.
11 No a om hithiat numeite aw, ling un;
no awlmawh nei lo tanute aw, lau-in ling un!
Na puante uh hawkkhia unla, l
na kawnguah ippi puan teng un. m
12 Logam hoihte n
lenggui gahphate le o
13 thangling le lingkung in a ponelh
ka mite’ leitang adingin na dip uh hum un -
hi hi, lungdamna innte khempeuh le
hih khuapi a kipahpihte khempeuh adingin thum un.
14 Mun muanhuaite kisusia in,
a gamlum khuapi kilawi ding hi;
mualbote le tausangte gamkhing suak den dinga, p
laate gamtatna mun le bawnghonte lonona mun a suak ding hi;
15 eite tungah a sangna pan Kha a kibuak mateng, q
sehnel-gam, logam hoih a suah mateng le r
logam hoihte tulak a bat matengin a tuaci om den ding hi. s
16 Sehnel-gamah thutang teng dinga,
logam hoih ah thumaanna teng ding hi. t
17 Thumaanna gah lemna hi dinga; u
thumaanna hangin daihna le kimuanna a om tawntung ding hi.
18 Lungmuangtaka tenna mun,
inn muanhuai le bangmah in nawngkaisak lo-a
khawlna munah ka mite a teng ding uh hi. v
19 Gialpi in tulak dengzanin
khuapi a kimaihtam kiuhkeuh zongin, w
20 luidung ah na khaici uh tuh a, x
na bawngtalte uh le na laate uh
note utnana-a a khah note thupha ngah mahmahte na hi ding uh hi.
Copyright information for
ZomZIV